2024-ի 3 լավագույն արևային վահանակները
2024-ի 3 լավագույն արևային վահանակները
Արևային վահանակները արևային համակարգի թերևս ամենակարևոր մասն են կազմում։ Հենց դրանք են կլանում արևի լույսը, որը հետագայում վերածվում է տան համար անհրաժեշտ էներգիայի։ Արևային համակարգերի տեղադրումը երբեք ավելի հասանելի չի եղել, քան ներկայումս: Հիմա բազմաթիվ արտադրողներ և ընկերություններ առաջարկում են հարմար պայմաններ։
Բայց վահանակների տեսակների և բրենդերի անսահման ընտրության մեջ պետք է կարողանալ կայացնել ճիշտ ընտրություն։ Որքան մեծանում է պահանջարկը, այնքան մեծանում է առաջարկը՝ բերելով բյուջետային և ֆինանսական բարդություններ համակարգ տեղադրել ցանկացող անհատների կամ բիզնեսների համար։
Այս բլոգում կխոսենք 2024-ի թոփ 3 արևային վահանակների մասին՝ ըստ Forbes Home-ի։
Qcells` ամենահայտնի վահանակներ շուկայում
Առավելություններ
- Հասանելի է բազմաթիվ տեղադրող ընկերությունների կողմից (ունի ներկայացուցիչներ մի շարք երկրներում)
- Ունի բարձր արտադրողականություն և հուսալիություն
- Բարձր գործարանային երաշխիք՝ մինչև 15 տարի
- Բարձր դիմացկունություն՝ ցանկացած եղանակային պայմաններում
Թերություններ
- Ընկերությունը առաջարկում է քիչ մոդելներ, նեղ տեսականի՝ ընտրության համար
Qcells արևային վահանակները արտադրվում են Հյուսիսային Ամերիկայում։ Զարմանալի չէ, որ այն համարվում է բնակելի կառույցների համար տեղադրվող ամենատարածված տարբերակներից մեկը։ Սա հենց այն բրենդն է, որտեղ լավագույն ընտրությունը նաև բյուջետային է։ Qcells վահանակների առավելագույն հզորությունը կազմում է 440 Վտ, իսկ արդյունավետությունը անցնում է 22%-ը:
Վահանակները մշակվում են 6 հատուկ շերտով, ինչը ոչ միայն բարձր արտադրողականության երաշխիքն է, այլ նաև կանխում է էներգիայի ավելորդ կորուստը։ Ըստ վիճակագրության՝ այս վահանակները ծառայում են մինչև 30 տարի։
Սակայն, որպես թերություն, կարող ենք նշել, որ ընկերությունը առաջարկում է բավականին փոքր տեսականի, քիչ մոդելներ՝ ընտրության համար։
Canadian Solar՝ հզորագույն վահանակներ շուկայում
Առավելություններ
- Համարվում են շուկայում հզորագույն վահանակները
- Առաջարկում են մինչև 705 վտ հզորություն
- Ունեն մրցակիցներից շատերի նկատմամբ ավելի բարձր արտադրողականություն
- Առկա են բազմաթիվ մոդելեներ
Թերություններ
- Մրցակիցների նկատմամբ համեմատած բարձր գին
Իզուր չէ, որ Canadian Solar-ը համարվում է շուկայում առաջարկվող հզորագույն վահանակը և մշտապես զբաղեցնում է թոփ 5-ը՝ բնակելի շենքերի, անհատների և բիզնեսների համար։ Դրանց մոդելները առաջարկում են մինչև 705 վտ հզորություն և ավելի քան 22,7% արդյունավետության ցուցանիշ՝ ամենաբարձրը շուկայում։
Բացի մրցակիցների նկատմամբ իր մի շարք առավելություններից՝ Canadian Solar-ը շարունակ բարձրացնում է իր արտադրանքի վարկանիշը, որակն ու երկարակեցությունը։ Արտադրող ընկերությունը ունի ներկայացուցիչներ մի շարք երկրներում և առաջարկում է նաև եվրոպական բոլոր սուբսիդավորումներից օգտվելու հնարավորություն։
Տեղադրիր արևային կայան Eco Step-ի հետ՝ օգտվելով պետական սուբսիդավորումից՝ սկսած 0%-ից։
Canadian Solar-ն առաջարկում է էներգիայի օգտագործման նորագույն լուծումներ, սարքավորումներ և տեղադրման բարձր երաշխիք:
Չնայաց որպես թերություն դիտարկվում է մրցակիցների նկատմամբ համեմատաբար բարձր գինը, սակայն գին-որակ հարաբերակցության մեջ այն իրականում շահութաբեր ընտրություն է։
Eco Step-ը, որպես Canadian Solar-ի պատշոնական ներկայացուցիչ, առաջարկում է մինչև 25 տարվա երաշխիք։
Maxeon՝ լավագույն երաշխիք շուկայում
Առավելություններ
- Արտադրողի կողմից տրվող երկարաժամկետ երաշխիք
- Մինչև 25 տարվա արտադրական երաշխիք
- Մինչև 40 տարվա երաշխիք՝ մինչև 90% արտադրողականության
Թերություններ
- Համեմատաբար սահմանափակ ընտրություն
- Շուկայում մրցակիցների նկատմամբ ավելի բարձր գին
Եթե փնտրում եք այնպիսի արտադրող, ով առաջարկում է ամենաբարձր երաշխիքը շուկայում, ապա ընտրությունը կանգ է առնում Maxeon արևային վահանակների վրա։ Ընկերությունը հենց սրանով է առաջատար իր մրցակիցների նկատմամբ։
Ընկերությունը երաշխավում է մինչև 92% արտադրողականություն անգամ 15 տարի անց։
Բացի բարձր երաշխիքից ընկերությունը առաջարկում է նաև բարձր հզորություն․ 7 մոդելի արևային վահանակներ, որոնք ապահովում են մինչև 430 վտ հզորություն։
Չնայած արևային այլ բրենդեր նույնպես առաջարկում են բարձր արտադրողականություն և հզորություն, Maxeon վահանակները ծառայում են շատ ավելի երկար, և եթե շատ երկար ժամանակ չեք պլանավորում փոխել ձեր բնակության կամ բիզնեսի վայրը, ապա դրանք շատ շահավետ և ընտրություն են։
Իսկ ինչպե՞ս ընտրել ձեզ անհրաժեշտ արևային վահանակ
Ինչպես արդեն նշեցինք՝ մեծ է պահանջարկը, մեծ է առաջարակը։ Այո-այո, հիմա շուկայում բազմաթիվ արտադրող ընկերություններ առաջարկում են մի շարք մոդուլներ, հզորություններ և երաշխիքներ՝ ձեր տան և բիզնեսի համար։ Բայց լայն ընտրության մեջ շատ ավելի դժվար է կողմնորոշվել ճիշտ ընտրության հարցում։
Արևային աշխարհի պրոֆեսիոնալները , սակայն, առանձնացնում են մի քանի պարզ խորհուրդ կամ ճանապարհ, որոնք կօգնեն ձեզ ճիշտ ուղղորդվել։
Հաշվի առեք վահանակների հզորությունը
Եթե արևային էներգիային անցնելը խելացի ներդրում է, ապա խելամիտ չէ ընտրել այնպիսի վահանակ, որը կծառայի ձեզ շատ կարճ: Ավելի մատչելի վահանակերը, սովորաբար, շարքից շուտ էլ դուրս են գալիս: Այնպես որ, պետք է կարողանալ կողմնորշվել գին-որակ ճիշտ հարաբերակցության մեջ:
Արևային վահանակների արդյունավետության վրա ազդում են մի շարք գործոններ՝ ներառյալ վահանակի տեսակը և չափը, դրա դիրքը և գտնվելու վայրը, ջերմաստիճանը և արևի լույսի քանակը: Ժամանակակից արևային մարտկոցների համակարգերի մեծ մասը արտադրում է 250-ից մինչև 400 Վտ/ժ հզորություն:
Հաշվի առեք Ձեր տան էներգիայի կարիքները
Կախված ձեր ընտանիքի էներգիայի սպառումից՝ ձեզ կարող է անհրաժեշտ լինել համակարգ, որը քիչ կամ շատ էլեկտրական էներգիա է արտադրում:
Արևային որոշ օգտվողներ ընտրում են այնպիսի համակարգեր, որոնք չեն գեներացնում բավականաչափ էներգիա իրենց կարիքները բավարարելու համար, իսկ մյուսներն ընտրում են այնպիսի համակարգեր, որոնք թույլ են տալիս ապրել էլեկտրական ցանցից դուրս կամ նույնիսկ էներգիան հետ վաճառել էլեկտրական ցանցին:
Ստուգեք արևային վահանակների երաշխիքները
Արևային մարտկոցների համար նախատեսված արտադրանքի երաշխիքը նվազագույնը 25 տարի է: Համակարգի բաղադրիչները, ինչպիսիք են մարտկոցները, ինվերտորները և այլ կարևոր մասերը, հաճախ ունեն երաշխիքներ, որոնք զգալիորեն տարբերվում են ապրանքների և արտադրողների միջև: Ուշադրություն դարձրեք այդ երաշխիքներին և պանելների արտադրողականության երաշխիքին 10 և 25 տարի հետո, հատկապես, եթե նախատեսում եք երկար ժամանակ մնալ նույն տանը:
Ուշադադրություն դարձրեք արևային համակարգի տեղադրման առաջարկին
Արևային էներգիայի համակարգերը մշտապես զարգանում և բարելավվում: Անընդհատ փոփոխվող արդյունաբերության մեջ միշտ կա նոր տեղեկատվություն, որը կարող է օգտակար լինել:
Այնպես որ, նոր և նոր ընկերություններ կարող են առաջարկել տեղադրման ավելի լավ և շահավետ պայմաններ՝ ձեր տան կամ բիզնեսի համար:
Հաճախ տրվող հարցեր
Ո՞ր տեսակի վահանակներն են լավագույնը բնակելի տների համար
Բնակելի տների համար արևային մարտկոցների լավագույն տեսակի ընտրությունը կախված է տան բնակիչների կարիքներից և քանակից:
Քանի՞ արևային վահանակ է անհրաժեշտ տեղադրել
Ձեր ընտանիքի կողմից ամեն տարի սպառվող էներգիայի քանակությունը և թե ձեր տան որքան մասն եք ցանկանում սնուցել արևային էներգիայով կորոշի, թե որքան հզորության կայան է Ձեզ անհրաժեշտ և հետևաբար քանի վահանակ է պետք տեղադրել:
Որքա՞ն էներգիա են արտադրում արևային վահանակները
Արևային մարտկոցների առավելագույն հզորագույն սովորաբար կազմում է 250-ից 400 կամ 700 Վտ/ժ: Սա նշանակում է, որ վեցից ութ ժամ անդադար արևի լույսի դեպքում յուրաքանչյուր վահանակ կարող է արտադրել 1500-ից մինչև 3200 Վտ/ժ էլեկտրաէներգիա:
Մանրամասների կամ մեզ հետ կապ հաստատելու համար կարող եք այցելել մեր կայք՝ www.ecostep.am