Հաճախ տրվող հարցեր

Մաքրությունը՝ սենյակից մինչև անգամ խոշոր ձեռնարկություն, որոշում է ամեն ինչ: Նույնը, իհարկե, վերաբերում է արևային կայաններին: Տրամաբանական է՝ որքան ավելի մաքուր է արևային վահանակի մակերևույթը, այնքան ավելի լավ է այն կլանում արևի լույսը՝ ապահովելով էֆեկտիվ աշխատանք։ Խնայելու և Ձեր արևային կայանի արդյունավետությունը ապահովելու համար EcoStep-ը առաջարկում է կայանների լվացման ծառայություն: Փորձը ցույց է տալիս, որ արևային մոդուլների լվացումից հետո կայանի արտադրողականությունն աճում է մինչև 30%-ով։

Բացի այն, որ արևային լույսից ստացված էներգիան զրոյացնում է Ձեր կոմունալ ծախսերը, այն մատչելի է նաև իր ներդրման՝ ապառիկի վճարի մարման տեսանյունից: Պետական սուբսիդավորման և Եվրոպական միության տարբեր ծրագրերը վճարում են ապառիկի տոկոսները Ձեր փոխարեն, որի ամբողջ գործընթացը Էկո Ստեպը կազմակերպում և համակարգում է՝ առանց հավելյալ գլխացավանքների: Ստացվում է, որ բանկին ամսական վճարում եք ավելի քիչ, քան նախկինում՝ էլեկտրոէներգիայի կոմունալի համար: Երկրորդ՝ արևային կայանների արտադրած էլեկտրաէներգիան շահավետ կողմնակի եկամուտ է։ Այսօր շատ երկրներում, ինչպես նաև Հայաստանում, որտեղ արևային էներգիան զարգանում է, գործում է «Կանաչ սակագին»: Վերջինս հստակ մեխանիզմ է, որով պետությունը էներգիայի այլընտրանքային աղբյուրներից արտադրված էլեկտրաէներգիա է գնում մասնավոր անձանցից։ Այսինքն ոչ միայն կարճ ժամկետում մարում եք գումարը, այլ նաև կողմնակի եկամուտի շնորհիվ նվազեցնում եք ընդհանուր ծախսը: Հենց սա է օր օրի ավելացող արևային կայանների պատճառը։

Արևային կայանի տեղադրումը բավական բարձր արժեք ունի, բայց դրանից ստացված խնայողությունը մի քանի անգամ ավելի շատ է, քան ներդրումը: Ավելին՝ ներկայումս բանկերը և վարկային կազմակերպությունները առաջարկում են սուբսիդավորման հատուկ պայմաններ. ձեռք եք բերում հիմա, վճարում՝ հետագայում՝ շատ փոքր մասերով:

Արևային վահանակները աշխատում են արևի լույսով, ոչ ջերմությամբ։ Հետևաբար տարբերություն չկա՝ ամառ է, թե ձմեռ։ Իհարկե ձմռանը ավելի քիչ են արևային ժամերը, հետևաբար վահանկները ունեն ցածր արտադրողականություն, բայց աշխատում են:

Այո, քանի որ ձմռան արտադրողականությանը գումարվում է ամառվա գերարտադրողականությունը։ Ամռանը սովորաբար արևային կայանը արտադրում է շատ ավելին, քան անհրաժեշտ է սպառողին։ Ավելացուկային էլեկտրաէներգիան կուտակվում է հոսանքի բաժանորդային քարտի վրա և օգտագործվում է ձմռան ամիսներին։