Ի՞նչ կլինի, եթե Սահարա անապատի ողջ տարածքում տեղադրվեն արևային վահանակներ
Վառելիքի և էներգիայի հիմնախնդիրը մարդկության առջև դրված կարևորագույն հարցերից մեկն է ՝ հաշվի առնելով բնական ռեսուրսների սահմանափակությունը :
Այլընտրանքային էնէրգիայի աղբյուրները , որոնց թվին է դասվում արևային հոսանքը, հանդիսանում են իսկական փրկություն այս պայմաններում: Արևային էներգիայի ստացման կարևոր պայմաններից մեկն արևային ճառագայթներով հարուստ տարածքի առկայությունն է, որտեղ հնարավոր է տեղադրել արևային պանելները: Ընդամենը վեց ժամվա ընթացքում աշխարհի անապատները ավելի շատ արևի էներգիա են ստանում, քան երկրագնդի որջ բնակչությունը սպառում է ամբողջ տարվա ընթացքում: Իսկ երբևէ մտածե՞լ եք, թե ինչ կկատարվի , եթե Սահարայի ՝ ամենամեծ անապատի ողջ տարածքը ծածկվի արևային վահանակներով: Արդյո՞ք հնարավոր կլինի այս ճանապարհով ամբողջ երկրագնունդը էներգիայով ապահովել:
Եթե մենք ծածկենք Սահարայի անապատի ընդամենը 1,2 տոկոսը արևային վահանակներով, կարող ենք այդ միջոցով բավականաչափ էներգիա ստանալ` բավարարելով ողջ երկրագնդի էներգետիկ կարիքները:
Իսկ ի՞նչ հետևանքներ կլինեն
Չնայած որ արևային պանելները նախատեսված են շրջակա միջավայրը բացասական փոփոխություններից կանխարգելելու համար, դրանց կառուցումը անապատներում կարող է հանգեցնել բնակլիմայական մեծ փոփոխությունների : Հնարավոր է անհավատալի թվա, սակայն եթե անապատի հատակը ծածկվի հսկա արևային պանելներով, ապա կկրկնապատկվի տեղումների քանակը, որն էլ կնպաստի բուսական ծածկույթի աճին՝ մոտ 20 տոկոսով :
Ինչևէ, Սահարյան ավազը ունի յուրահատուկ բաց գույն , ինչը նշանակում է, որ այն անդրադարձնում է արևի լույսը և ջերմությունը: Եթե ծածկենք ավազը մուգ արևային վահանակներով, դա կնշանակի, որ ավելի շատ արև կկլանվի և գետնի ջերմաստիճանը կաճի: Տաք օդը, բարձրանալով վեր դեպի մթնոլորտի սառը շերտեր, կառաջացնի խոնավություն, ինչին էլ կհաջորդեն տեղումները: Այսպիսով, Սահարայում արևային պանելների տեղադրումը կհանդիսանա բավականին մեծ քանակությամբ էներգիա աղբյուր, որը կբավականեցնի երկրագնդի ամողջ բնակչության օգտագործման համար, կկրկնապատկի տեղումների քանակը անապատում, կնպաստի բուսային ծածկույթի աճին:
Սակայն իհարկե կան նաև ռիսկեր , ինչպիսիք են ՝ ահռելի ծախսերի և ներդրուների անհրաժեշտություն, էներգիայի մատակարարման բարդությունը աշխարհի տարբեր ծայրերում, բնակլիմայական կտրուկ փոփոխություններ:
Այնուամենայնիվ , սա բավականին խոշոր մասշտաբների նախագիծ է, որը հեղափոխիչ կլինի ողջ մարդկության համար։ Նման նախագիծ մեկնարկելիս նախ և առաջ ճիշտ կլինի այն փորձարկել ավելի փոքր մասշտաբներով:
Eco Step Solar Energy Solutions ընկերությունը կշարունակի ուսումնասիրել Սահարայում արևի էնէրգիայի ստացման նպատակով արևային վահանակների տեղադրման օգուտներն ու ռիսկերը :