Արևային ինվերտորներ. Տեսակները և առավելությունները
Արևային ինվերտորներ. Տեսակները և առավելությունները
Եթե երբևէ եք տեղադրել արևային կայան, կամ հետաքրքրվել եք արևային աշխարհով, ապա հաստատ մտածել եք՝ ինչպես է այդ բարդ համակարգը աշխատում։
Չնայած արևային համակարգի հիմնական բաղադրիչ համարվում են վահանակները, սակայն աշխատաքի կարևոր մաս կազմում են արևային ինվերտորները, որոնք համակարգի կենտրոնն ու բարձր արտադրողականության երաշխիքն են։
Իսկ ինչու՞ է այն այդքան կարևոր․ ձեր բնակարանը կամ բիզնեսը չեն կարող օգտագործել արևից ստացված ուղղակի էներգիան՝ որպես հոսանք։ Իսկ այդ էներգիան հոսանքի փոխակերպում են հենց ինվերտորները։
Այս բլոգի մեջ մանրամասն կուսումնասիրենք՝ ինչ է արևային ինվերտորը, ինչ տեսակներ և առավելություններ ունի։ Նաև կխոսենք, թե ինչպես կատարել արևային ինվերտորի ճիշտ ընտրություն։
Ի՞նչ է արևային ինվերտորը և ինչպե՞ս է այն աշխատում
Արևային ինվերտորները փոխակերպչներ են, որոնք փոխակերպում են արևային վահանակներից ստացված էներգիան և թույլ են տալիս այն օգտագործել՝ որպես հոսանք։ Հենց այդ պատճառով է, որ ինվերտոները համարվում են համակարգի բարձր արտադրողականության երաշխքը, քանի որ հենց դրանից է կախված ողջ համակարգի հզորությունն ու արտադրած հոսանքի քանակը։
Եկեք հասկանանք ողջ գործընթացը միասին․ արևային վահանակները կլանում են արևային ճառագայթները, իսկ դրանցում առկա ֆոտովոլտային (PV) բջիջները դրանք վերածում են արևային էներգիայի։ Ապա արևային էներգիան անցնում է ինվերտորին։
Արևային ինվերտորի ներսում կա մի սարք, որը կոչվում է բաք-փոխարկիչ, որը վերցնում է ստացված էներգիան (DC) ձեր արևային վահանակներից և փոխակերպում այն փոփոխական AC էներգիայի` հոսանքի: Այս AC հոսանքն այնուհետև անցնում է ձեր տան էլեկտրական լարերի միջով և օգտագործվում սարքերի և լույսերի սնուցման համար:
Արևային ինվերտորի որակն ու հզորությունը անչափ կարևոր են, քանի որ ինվերտորի խափանված աշխատանքը կարող է վնասել ոչ միայն արևային կայանը, այլ նաև կայանից սնուցվող տան համակարգերը։ Հասկանալու համար՝ ինչ ինվերտոր ընտրել ձեր տան կամ բիզնեսի համար, եկեք միասին հասկանանք դրանց հիմնական տեսակներն ու առավելությունները։
Արևային ինվերտորների հիմնական տեսակները
Արևային ինվերտորները հիմնականում լինում են 3 տեսակ՝ ցանցային, ինքնավար և հիբրիդ։
Ցանցային ինվերտորները (ON-GRID) ամենահաճախ օգտագործվող ինվերտորնեն են։ Դրանք աշխատում են էլեկտրական ցանցին համակցված։ Այս արևային ինվերտորները սնուցում են սարքերը և նաև հնարավորություն են տալիս ավելցուկային հոսանքը կուտակել էլեկտարական ցանցում՝ հետագայում օգտագործելու համար։
Ի դեպ, Հայաստանում գործող փոխհոսքերի հաշվարկման մասին օրենքը նաև թույլ է տալիս անհատ արտադրողներին էներգիայի ավելցուկը վաճառել էլեկտրական ցանցին՝ գործող մանրածախ սակագնի 50%-ով։
Ցանցային ինվերտորերի հիմնական առավելություններն են՝
- Դրանք աշխատում են՝ կցված էլեկտրական ցանցին, և թույլ են տալիս կուտակել ավելորդ էներգիան ցանցում
- Թույն են տալիս վաճառել հոսանքը
- Դրանք խնայում են ձեր գումարները, քանի որ համեմատաբար ավելի մատչելի են
- Աշխատում են առանց արևային մարտկոցների
- Ունեն համեմատաբար պարզ և հեշտ տեղադրման և օգտագործման համակարգ
- Ցանցի անջատման դեպքում ցանցային ինվերտորները նույնպես ավտոմատ անջատվում են․ այնպես որ կանխում են հոսանքի անուղղակի փոխանցումը ցանցին և պաշտպանում են համակարգը
Երկրորդ տեսակը ինքնավար կամ ցանցից անջատ (OFF-GRIN) ինվերտորներն են, որոնք, ի տարբերություն ցանցային ինվերտորների, կցված չեն էլեկտրական ցանցին։ Դրանք իրենց մեջ ունեն մարտկոցներ, որոնք կարողանում են կուտակել արտադրված հոսանքը։ Ոչ արևային ժամերին կամ այն օրերին, երբ արտադրված հոսանքի քանակը չի բավարարում, էներգիան ավտոմատ մատակարարվում է մարտկոցից դեպի տան հիմնական ցանց։
Ինքնավար դրանք կոչվում են հենց այս պարզ պատճառով, որ փոխարկում, կուտակում, պահուտավորում և օգտագործում են հոսանքը ճիշտ ժամանակին՝ ըստ կարիքի։
Ինքնավար ինվերտորների հիմնական առավելությունները՝
- Դրանք կարող են աշխատել հեռավար տեղանքում, որտեղ տունը, բնակարանը կամ բիզնեսը չունի հնարավարություն միանալու էլեկտրական ցանցին
- Բացի դրանից ավելի ձեռնտու է, եթե տվյալ տարածքում հաճախակի են ցանցային անջատումները կամ խափանումները
- Դրանք աշխատում են անկախ՝ կցված չլինելով էլեկտրական ցանցին
- Ունեն իրենց մարտկոցները, որտեղ էլ կարող են կուտակել ավելորդ էներգիան
Եվ վերջին տեսակը հիբրիդային ինվերտորն է, որը գործնականորեն ցանցային և ոչ ցանցային ինվերտորների ամբողջական տեսակն է։ Այս ինվերտոները ունեն կուտակիչ մարտկոց և միաժամանակ կցված են էլեկտրական ցանցին։
Այն կարողանում է փոխակերպել, սնուցել սարքերը և ավելորդ էներգիան փոխանցել և՛ էլեկտրական ցանցին, և՛ կուտել իր մեջ առկա մարտկոցում։
Եթե էլեկտրական ցացը խափանվում է, կամ լինում են անջատումներ, ապա էներգիան ավտոմատ մատակարարվում է մարտկոցում պահուստավորված հոսանքից։ Նման ինվերտորները օգտագործվում են հիմնականում բիզնեսներում, բնակելի կամ առևտրային շինություններում, տնտեսություններում, որտեղ հոսանքի և էներգիայի շարունակական մատակարարումը անչափ կարևոր է։
Բացի նրանից, որ դրանք ունեն ընդհանուր համակարգը պաշտպանող հատկություն, նաև ունեն համեմատաբար ավելի բարձր պահանաջարկ և արտադրողականություն՝ իհարկե կախված ինվերտորի հզորությունից և տեսակից։
Հիբրիդային ինվերտորների հիմնական առավելությունները՝
- Կարող է ապահովել հոսանքի և էներգիայի անխափան և շարունակական փոխանցումը՝ անկախ պայմաններից
- Ապահովում է բարձր արտադրողականություն
- Համատեղում է ցանցային և ոչ ցանցային ինվերտորների առավելությունները
- Ավելցուկային էներգիան կարող է կուտակել և՛ մարտկոցում, և՛ էլեկտրական ցանցում
- Կարող է էներգիայի պակասի կամ ցանցի անջատման/խափանման դեպքում սնուցել բնակարանը, բիզնեսը մարտկոցում կուտակված էներգիայով
Eco Step-ի արևային ինվերտորների որակյալ տեսականուն կարող եք ծանոթանալ այստեղ:
Ինչպե՞ս կատարել արևային ինտերտորի ճիշտ ընտրություն
Ծանոթացանք արևային ինվերտորների հիմնական տեսակներին, իսկ այժմ եկեք պարզաբանենք, թե ինչպես բնակարանի, բիզնեսի կամ ցանկացած այլ շինության համար ընտրել ճիշտ և հարմար ինվերտոր։
Իրականում նման հարցին միանշանակ պատասխա չկա։ Նախ պետք է հաշվի առնել, որ ճիշտ ինվերտոր ասելով նկատի ունենք ինվերտոր, որը կարող է լավագույնս աշխատել արևային կայանի հետ և ապահովել բարձր արտադրողականություն։ Ահա մի քանի կարևոր կետ։
1․ Հաշվի առնել ձեր կայանի հզորությունը և տեղադրված արևային վահանակների քանակը։ Քանի որ կայանի ընդհանուր հզորությունն է որոշում, թե ինչ ինվերտոր է նպատակահարմար կիրառել։
2․ Կարևոր է նաև արևային ինվերտորի հզորությունը
3․ Ուսումնասիրեք ինվերտորի տեսակը, բրենդը, հնարավորությունները, առավելությունները և արդյունավետությունը։ Ինվերտորների արդյունավետությունը չափվում է տոկոսներով և ցույց է տալիս, թե որքան լավ է ինվերտորը փոխակերպում DC հոսանքը AC հոսանքի։ Բարձր արդյունավետությամբ ինվերտորները ավելի լավ են օգտագործում արևային էներգիան։ Ընտրեք ինվերտորներ, որոնց արդյունավետությունը 95% և ավել է։
4․ Ուշադրություն դարձրեք կայանի ընդհանուր տեղակայմանը, այսինքն՝ ինչ պայմաններում է աշխատելու կայանը։
5․ Եվ հաշվեք ձեր բյուջեն։ Գին-որակ հարաբերակցության մեջ կարելի է կատարել լավագույն ընտրությունը։
Որպեսի կարողանաք փոխհատուցել ձեր ներդրումը և կարողանաք իսկապես նվազագույնի հասցնել ձեր հոսանքի և էներգիայի ծախսերը, ապա պետք է անպայման հաշվի առնել, թե ո՞վ և ի՞նչ ինվերտորներ է առաջակում։ Շուկայում հնարավոր է գտնել տարբեր հզորության և արտադրողականության ինվերտորներ, բայց պետք է հաշվի առնել ընկերության կողմից առաջարկաված երաշխիքները, ինվերտորի ֆուկցիոնալությունը, ծառայության մատուցման ձևը և հետսպասարկումը։
Eco Step-ը առաջարկում է արևային ինվերտորների որակյալ տեսականի՝ առաջատար Huawei բրենդից, ինսպես նաև մինչև 10 տարվա երաշխիք։
Հաճախ տրվող հարցեր
Կարո՞ղ եմ արդյոք միշտ միացրած պահել արևային ինվերտորը
Այո, կարող եք, քանի որ արևային ինվերտորը աշխատում է այնքան ժամանակ, քանի դեռ փախակերպելու էներգիա կա։ Իսկ հակառակ դեպքում անջատվում է ավտոմատ։
Արդյո՞ք արևային ինվերտորները աշխատում են գիշերը
Ոչ, արևային ինվերտորները անջատվում են գիշերը։ Եթե արդեն ողջ էներգիան փոխարկվել և կուտակվել է, ապա դրանք անջատվում են ավտոմատ՝ էներգիան խնայելու նպատակով։
Կարո՞ղ եմ արդյոք կցել ինվերտորը ինտերնետ կապին
Այո, կարող եք։ Ժամանակակից ինվերտորները կարող են կցվել տան կամ բնակարանի ինտերնետ ցանցին և ցույց տալ, թե որքան էներգիա է արտադրվել, օգտագործվել կամ դեռ մնացել։