Tag: Արևային վահանակներ

Այսօրվա մեր թեման ոչ թե էներգետիկան է, այլ՝ նորաձևությունը։

Չէ՞ որ կանանց ամենահետաքրքիր թեմաներից մեկն է սա։

 

Կխոսենք նորաձևության մեջ կանաչի մասին

Նկատում եք չէ՞՝ որքան է լցվել նորաձևությունը կանաչ գույնով։ 2021 թվականի գլխավոր գունային թրենդները կարծես թե հենց կանաչի շուրջն են պտտվում։

 

Գուցե սա թրենդ է, որ պտտվում է բնության շուրջ։ Հենց այսպես են բացատրում նորաձևության քննադատները։

Չէ՞ որ առաջին բանը, ինչից ոգեշնչվում է արվեստագետը, դիզայները՝ բնությունն է։

Կանաչը տարածվում է իր բոլոր երանգներով՝ բաց անանուխից, մինչև շատ մուգ կանաչ։

 

Բայց ինչու՞ կանաչը այդքան շուտ կարողացավ տարածվել նորաձևության շուկայում։ Ի՞նչն էր պատճառը, որ մարդիկ այն ավելի շուտ ընկալեցին, քան օրինակ նեոնային գույների մուտքը շուկա։

 

Գույների հոգեբանությունը իհարկե կտա այս հարցի պատասխանը։

Գույնի ընտրությունը անձի կողմից խոսում է իր զգացմունքների, բնավորության, զգացողությունների մասին։

 

ԿԱՆԱՉԸ ԲՆԱԿԱՆ Է։

Շատ մարդիկ կանաչը իհարկե ասոցոցնում են բնության հետ ներդաշնակության հետ։ Չէ՞ որ սա հենց այն գույնն է, որը համարվում է ուղեղը լիցքաթափող գործիք արևելյան երկրներում։

 

ԿԱՆԱՉԸ ՄՈՏԻՎԱՑՆՈՂ Է։

Ուշադրություն, կանաչի հանգստության կողքին թաքնված է հաջողություն սիրող մարդկանց հոգեբանությունը։ Կանաչը ասոցացվում է փողի հետ։ Այն փող է, հաջողություն, նույնիսկ՝ խանդ ու նախանձ։

Հետազոտությունների արդյունքները ցույց են տալիս, որ կանաչ ընտրող մարդիկ դեպի հաջողություն ձգտող մարդիկ են։ Գործարարների հիմնական մասը ընտրել է կանաչը՝ որպես սիրելի գույն։

 

ԿԱՆԱՉԸ ԴՐԱԿԱՆ ԷՆԵՐԳԻԱ Է։

Գույնը անդրադառնում է մարդու՝ ոչ միայն այդ պահի զգացողությունների հետ, այլ նաև մնում է իր հիշողության մեջ։ Պատկերացրեք, ինչքան հոգնած տեսք ունի մարդը, որը գործի բերումով անընդհատ գունագեղ, ճնշող ու աղմկոտ միջավայրում է։ Համաձայնվեք, որ ունեք այդպիսի ծանոթներ, ովքեր միշտ հոգնած են․ ոչինչ անելու ցանկություն չունեն։

Մարդիկ, որոնք աշխատում են կանաչ միջավայրում, ավելի հանգիստ ու դրական են լինում։

Եվ վերջապես՝

 

ԿԱՆԱՉԸ ՍԿԻԶԲ Է։

Այլապես ինչու՞ են ասում՝ կանաչ ճանապարհ, կանաչ լույս։

 

Շատ ժամանակ անցկացրեք բնության գրկում, կանաչ հագուստ կրեք։ Փաստորեն մեր ընտրած գույնը ոչ միայն խոսում է մեր մասին, այլ նաև նշանակություն ունի մեր հետագա աուրայի վրա։

Ինչքանո՞վ են էֆեկտիվ արևային վահանակների աշխատանքը ձմռանը

Արևային համակարգերի մասին ամենատարածված միֆը այն է, որ վերջիններս չեն աշխատում ձմռանը։ Իհարկե հաճելի է ընդունել այն փաստը, որ այս պնդումը ընդամենը միֆ է։

Իսկ հիմա փաստ՝

• Արևային համակարգերը աշխատում են նաև ձմռանը՝ նույնիսկ ձյան ժամանակ, երբ շողում է արևը։
• Կարելի է ասել, որ համակարգը պահում է նույն էֆեկտիվությունը ցուրտ եղանակին, սակայն աշխատում է ավելի քիչ ժամանակով, քանի որ ձմռանը արևային ժամերի քանակը նվազում է։
• Տեխնիկապես՝ արևային վահանակի սիլիկոնը փակվում է հակաբլիկային ապակիով, որը կլանում է արևի լույսը առավելագույնս։
• Միևնույն ժամանակ վահանակը կլանում է նաև արևի ջերմությունը։ Նույնիսկ արևի չնչին ճառագայթից տաքանում է վահանակի մակերեսը, իսկ ձյունը հալվում է։ Հենց այս պատճառով էլ արևային մոդուլը համարվում է «ինքնամաքրվող պրոդուկտ»։ Ձյունը հալվում է արևի չնչին ճառագայթներից, թեքության տակ թափվում է ու բացում վահանակի մակերեսը՝ թույլ տալով արտադրել հոսանք արևից։

Այսպիսով, ինչպես հասկացանք, ձմռանը, արևային վահանակի արտադրողականության վրա մեծապես ազդում է իր ապակե մակերեսը՝ որպես լույսի և ջերմության կլանման միջոց։

 

Որքանո՞վ է խթանում կամ խոչընդոտում արևային կայանի աշխատանքին ցուրտը։

Ինչ վերաբերում է ցրտին․ Ցուրտը հանդիսանում է արևային վահանակի աշխատանքը խթանող միջոց։ Որքան ցուրտ է միջավայրը, այնքան ուշ և քիչ է դեգրադացվում արևային վահանակը։

Շատ ռեգիոններում, որտեղ ցուրտ է, բայց արևոտ, արևային կայանները ունենում են լավագույն արտադրողականություն։

 

Հայաստանում այս ռեգիոնների թվին է պատկանում Գեղարքունիքի մարզը։ Այստեղ քամոտ է, ցուրտ, բայց ոչ ամպամած և մութ։

 

Արդյո՞ք պետք է սպասարկել արևային կայանը ձմռան ամիսներին։

Ամենահրաշալին այն է, որ արևային վահանակները պատկանում են այն պրոդուկտների թվին, որոնք առանձնապես չեն պահանջում սպասարկում, նույնիսկ ձմռանը։

Ինչպես վերը նշեցինք՝ ձյունը ինքնամաքրվում է արևային վահանակի վրայից՝ նույնիսկ ամենաչնչին լույսի առկայության դեպքում։ Այն դեպքում, երբ արևային կայանը տեղադրված է խոնավ ռեգիոնում, որտեղ ձյունը արագորեն վերածվում է սառույցի՝ կարելի է այն մաքրել, սակայն դիմելով հատուկ ծառայությունների, որոնք մասնագիտացված են արևային վահանակների մաքրման գործում։

 

Ինչ վերաբերում է արևային վահանակների արտադրողականությանը՝ պետք է կրկնել այն փաստը, որ բնականաբար վերջիններս ունենում են ավելի քիչ արտադրողականություն ձմռանը՝ կապված արևային ժամերի ավելի քիչ քանակության հետ, սակայն, քանի որ նույն բանը հակառակ կերպով տեղի է ունենում ամռանը՝ կուտակվում են հոսանքի ավելցուկներ, քանի որ արևային ժամերի քանակը ավելի շատ են՝ իրավիճակը կոմպենսանում է։

Այսինքն ամառվա արտադրած հոսանքը հնարավոր է կիրառել ձմռանը՝ կոմպենսացնելով ձմռան քիչ արտադրողականությունը։

 

Փաստորեն նույնիսկ քամին, ձյունը և ցուրտը չեն կարող խանգարել մարդկանց՝ ունենալու էկոլոգիապես մաքուր հոսանք արևից։ Այսպիսով․ Ինչի՞ համար սպասել, կորցնել արևային օրերը և ընկղմվել մտածմունքների մեջ՝ տեղադրե՞լ, թե չտեղադրել արևային կայան։ Դա նույնն է, ինչ մտածելը՝ ունենա՞լ, թե՞ չունենալ էներգախնայողություն։

Արդյո՞ք հնարավոր է վերամշակել արևային վահանակները

Այլընտրանքային էներգիան համարվում է էկոլոգիապես մաքուր էներգիայի աղբյուր։ Այս փաստն անհերքելի է, երբ էներգիայի արտադրման տեխնոլոգիաներտ գտնվում են շահագործման ընթացքում, բայց արդյո՞ք դրանք մաքուր են մնում իրենց «մահից» հետո։ Գաղտնիք չէ, որ արևային մոդուլի կյանքի տևողությունը 30-35 տարի է։ Ի՞նչ պետք է անել հետո։

Արևային էներգետիկան այլընտրանքային էներգիայի աղբյուրների ամենամեծ ճյուղն է համարվում, որև զարգանում ու ավելանում է օրեցօր։ Դեռևս 2008 թ․-ին աշխարհում տեղադրվել է 5,5 ԳՎ հզորություն, որն արտադրել է ավելի քան 15 ԳՎ էլեկտրաէներգիա։ Ընդհանուր տեղադրված հզորությունն հասավ 22 ԳՎ-ի 2013 թ․-ին։ Տեղադրվող հզորությունը բարձրանում ու բարձրանում է մինչ օրս։

Ինչևէ, վերջերս արևային էներգիայի ինդուստրիայում շատ փորձագետներ կասկածում են՝ արդյո՞ք ոլորտն այդքան կանաչ է, որքան որ մենք պատկերացնում ենք։ Ամեն դեպքում արևային պանելներն արտադրվում են գործարաններում, աշխատում են հաստոցները, տեխնիկան, ձեռք են բերվում արտադրական նյութեր։ Այս ամենն այդքան էլ նման չէ կանաչ տեխնոլոգիայի։ Արևային վահանակներն աշխատում են 30-40 տարի և արդեն գցում են արտադրողականությունը։ Արևային էներգետիկայի փորձագետները վստահ են․ ոլորտը կլինի էկոլոգիապես մաքուր, եթե սկսվի արևային մոդուլների լայնածավալ վերամշակումը։ Դրա համար պատասխանատու պետք է լինեն իրենք՝ արտադրողները։

Խնդիրը, որի պատճառով արևային վահանակի վերամշակման գործարաններ դեռ չկան՝ ծավալն է։ Ոլորտը նոր է և չկան մեծածավալ հին և չօգտագործվող վահանակներ։ Արևային պանելները պարունակում են ապակի, ալյումին և այլ նյութեր, որոնք ամեն դեպքում կարող են և առանձին-առանձին վերամշակվել։ Մնում է կազմակերպել ամբողջ պրոցեսը։

Այնուամենայնիվ, այս հարցը սկսել է այնքան հուզել էկոլոգներին, որ նույնիսկ Եվրոպական Հանձնաժողովն է հանձն առել խնդրի լուծումը։ Վերջինս արձանագրել է, որ կհավաքագրի 1990 թ․-ից ի վեր տեղադրված ամենահին արևային վահանակների գոնե 65%-ը և կհանձնի վերամշակման։ Հնարավոր է վերամշակել հավաքված թափոնների գոնե 85%-ը։

 

Այսպես․ Բացի էկոլոգիական տեսանկյումից պետք է քննարկել նաև բիզնես կողմը։ Ո՞վ պետք է սկսի վերամշակման գործընթացը, ո՞վ պետք է լինի պատասխանատու հավաքագրման համար՝ արևային վահանակի կյանքի տևողության ավարտից անմիջապես հետո։ Ո՞վ պետք է հետևի վիճակագրությանն ու ժամկետներին։

• Շահագործողը, մարդիկ, ովքեր տեղադրել են տարիներ առաջ ու պատրաստ են վաճառել, տրամադրել իրենց դեռ աշխատող, դեգրադացված արևային վահանակները վերամշակողին։
• Արտադրողը, ով կլինի պատասխանատու արևային վահանակի էլեկտրական մասի հավաքագրման և վերօգտագործման համար։

Էկոնոմիկայի տեսանկյունից վերարտադրող կազմակերպությունն ինքը նույնպես պետք է լինի շահագրգռված վիճակագրությանը հետևելու ու հին արևային վահանակները հավաքագրելու համար։ Այն նույնիսկ պետք է պատրաստ լինի վճարել ձեռք բերած թափոնի համար, սակայն վերամշակման պրոցեսը, կախված քիչ  ծավալներից կլինի բավական թանկ՝ հարկերի և այլ արժեքների պատճառով։

Այնուամենայնիվ, շատ արտադրող կազմակերպություններ, ինչպիսիք են օրինակ First Solar ընկերությունը մշակել են վերամշակման ընթացակարգ հենց իրենց արտադրությունում, ըստ որի արևային վահանակի վերամշակման պրոցեսը պիտի սկսվի մոդուլի առանձնացումից՝ ապակի, ալյումին, սիլիցիում, էլեկտրական մաս և այլն։ Յուրաքանչյուր կոմպոնենտ պիտի հանձնվի արդեն իսկ գործող վերամշակողի՝ ապակի, մետաղ և այլն։ Սա մեծապես կթեթևացնի վերամշակման պրոցեսը՝ կիսելով աշխատանքը այլ վերամշակողների հետ։

Արդյոք հնարավո՞ր է տեղադրել արևային վահանակը որտեղ պատահի։  Հաճախորդի կողմից հաճախ տրվող այս ամենատարածված հարցի պատասխանը հետևյալն է՝ կարելի՞ է արդյոք տեղադրել այգում որտեղ պատահի՝ առանց արևի լույսի, ջրի առկայությունը, հողի բերրիությունը հաշվի առնելու։

Ինչպես այգու, այնպես էլ արևային վահանակների դեպքում, լավագույն տեղը տեղադրման լույսի առավելագույն առկայությունն է։ Արևային պանելի ուղղությունը, թեքությունը իհարկե ամենակարևոր գործոններից են։ Պետք է հասկանալ՝ ուղղակի, առանց տեղանքի ուսումնասիրման տեղադրումով հնարավոր չէ ստանալ իդեալական արդյունք։ Նույն արդյունավետությունը երբեք չի լինի եթե պանելները դրվեն ուղղահայաց պատի կամ հորիզոնական տանիքի վրա։

Իմանալ ավելին՝ Արևային համակարգերի բաղկացուցիչ տարրերը և տեղադրման առանձնահատկությունները

Արևային վահանակի տեղադրումը համարվում է ոչ փոքր ներդրում և ճիշտ կլինի տրամադրել ժամանակ և գործը վստահել մասնագիտացված ինժեներական թիմի, որպեսզի կատարվի տեղանքի, տանիքի կամ ռելիեֆի ուսումնասիրություն։

Ամենից հաճախ արևային վահանակները տեղադրվում են տանիքին որոշակի ուղղությամբ՝ հավելյալ մետաղական հենասյուների կիրառմամբ, որն էլ ունի իր հիմնական պատճառը՝ արևային վահանակը իր իդեալական արտադրողականությունն ապահովում է դեպի հարավ թեքության դեպքում։  Այդ պատճառով, ամենից առաջ պետք է ավելի շուտ ինքն իրեն հարցնել՝ ո՞րն է արևային կայանի տեղադրման հիմնական պատճառը՝ արևից խնայողություն ստանալը, գազի արտանետումների կրճատումը, թե ուղղակի վահանակների առկայությունը տանիքին։

Առհասարակ արևային վահանակների ամենատարածված տեղադրման վայրը տանիքն է, մանավանդ առանձնատներում, սակայն դրանք դրվում են նաև գետնին, որպես ավտոպարկինգ, ծածկ և այլն։ Կախված տեղանքի առանձնահատկություններից, կլիմայական պայմաններից, փոշու, քամու գործոններից՝ վերը թվարկած յուրաքանչյուր տեսակի կոնստրուկտիվ լուծումներն էլ կարող են արտադրել առավելագույն էներգիա՝ եթե դրվեն ճիշտ տեխնիկական ստանդարտներով։

Իմանալ ավելին՝ Արևային համակարգի կյանքի միջին տևողությունը

Հենց այս թեմայի շրջանակներում կուզենք խոսել նաև արևային վահանակների տեղադրման արժեքի մասին, քանի որ այն նույնպես կապված է տեղադրման առանձնահատկություններից՝ արդյոք այն տեղադրվելու է տանիքին թե գետնին։ Գետնի դեպքում ավելանում է մետաղական հենասյուների ծախս, բետոնի և հավելյալ աշխատանքի ծախս։  Սա է պատճառը, որ Էկո Ստեպ Կանաչ Էներգիայի Լուծումներ ընկերությունը երբեք չի նշում արևային համակարգի ֆիկսված արժեք՝ առանց տեղանքի ուսումնասիրման։

Եվ այսպես․ Ո՞րտեղ է ամենանպատակահարմարը տեղադրել արևային վահանակներ։ Պատասխանը մեկն է՝ լուծումը միշտ կա յուրաքանչյուր վայրի համար։ Ամեն ինչ դիտարկելի է՝ կախված տվյալ տարածքի առանձնահատկություններից։

Կերպափոխիչը, կամ ինչպես ընդունված է ասել՝ արևային ինվերտորը արևային համակարգի ամենակարևոր մասն է կազմում։ Իր հիմնական աշխատանքը արևային վահանակներից եկող հաստատուն հոսանքի փոխակերպումն է փոփոխականի։
Այսինքն, արևային կերպափոխիչի իմաստը արևային համակարգից արտադրվող հոսանքը օգտագործելի սարքելն է՝ 220Վ միաֆազ հոսանքի դեպքում կամ 380Վ եռաֆազ հոսանքի դեպքում։

Բացի հիմնական հոսանքի կերպափոխման աշխատանքից՝ արևային ինվերտորը կատարում է երեք հիմնական առաքելություն՝ լարման վերահսկում, կապ ցանցի հետ և վթարային անջատումներ։

Կապը ցանցի հետ և վթարային անջատումները իրականանում են ներցանցային ռեժիմում աշխատող արևային կերպափոխիչի կողմից։ Անջատումները պարտադիր են ներցանցային ռեժիմում աշխատող ինվերտորների համար։ Դա անվտանգության համար է նախատեսված, որը ցանցի անջատման դեպքում թույլ չի տալիս արևից ստացվող հոսանքը գնա էլ․ ցանց։ Հակառակ դեպքում այն կարող է լինել վտանգավոր մարդու կյանքի կամ առողջության համար։

Արևային ինվերտորը արևային ֆոտովոլտային համակարգի սիրտն է։

Դասակարգվում է արևային ինվերտորի երեք տեսակ՝

1.  Ավտոնոմ
2.  Հիբրիդային
3. Ներցանցային

• Ավտոնոմ արևային կերպափոխիչները անջատ են ցանցից։ Համակարգում կիրառվում են նաև մարտկոցներ։ Ցանցից հոսանքազրկման դեպքում ավտոնոմ ինվերտորները շարունակում են իրենց աշխատանքը՝ միանալով մարտկոցին։ Ավտոնոմ արևային կայանները լայնորեն կիրառվում են գյուղատնտեսության, մեղվապահության ոլորտում, այնտես, որտեղ ցանց չկա և հոսանքի ստացման միակ լուծումը մարտկոցների տեղակայումն է։
• Հիբրիդային ինվերտորները աշխատում են և՛ ներցանցային սիստեմում, և՛ մարտկոցներին միացած։ Այս դեպքում ինվերտորը առաջնայինը աշխատում է ցանցի հետ։ Հոսանքի ավելցուկը կուտակվում է և՛ ցանցում, և՛ մարտկոցում։ Այն դեպքում երբ մարտկոցը 100% լիցքավորված է արևից, ավելցուկային հոսանքը անցնում և կուտակվում է ցանց։ Հիբրիդային կայանները ձեռնտու են բնակիչներին կամ գործարաններին, ովքեր ունեն հոսանքազրկման խնդիր՝ հաճախ է ցանցից անջատվում։ Հիբրիդային կայանի տեղադրման շնորհիվ, բնակիչը կամ բիզնեսը ունենում է անխափան հոսանք։
• Ներցանցային ռեժիմում աշխատող արևային կայանները ամենատարածվածն են։ Նախ և առաջ այս կայաններն ավելի մատչելի են։ Ավելցուկային հոսանքը կուտակում են ցանցում, որն էլ պետք եղած ժամանակ ետ են բերում և օգտագործում։ Այսինքն մարտկոցի դերը 100 %-ով կատարում է էլ․ ցանցը։ Այս համակարգի միակ թերությունն այն է, որ ցանցից հոսանքազրկման դեպքում արևային կայանը նույնպես չի աշխատում՝ ինչպես վերը նշեցինք՝ անվտանգության նկատառումներից ելնելով։

Էկո Ստեպ Արևային Համակարգեր ընկերությունը՝ հավատարիմ մնալով իր որդեգրած որակի քաղաքականությանը՝ խորհուրդ է տալիս տեղադրել գին-որակ հարաբերակցությամբ ամենաորակյալ GoodWe բրենդի ինվերտորները։

Հպարտությամբ ենք նշում, որ GoodWe բրենդը համարվել է աշխարհում №1 հիբրիդային ինվերտորի արտահանողը իր ծավալներով։

Հիմնվելով միայն բարձր որակի վրա՝ Էկո Ստեպի արևային թիմը տեղադրում է ամբողջական պաշտպանական համակարգեր՝ ապահովելով արևային համակարգի, արևային ինվերտորի անխափան ու երկարաժամկետ գործունեությունը։

Մոնիտորինգն ու սպասարկումը կազմում է արևային համակարգի հետվաճառքային կարևորագույն մասը։ Աղտոտված արևային վահանակները արտադրում են բնականաբար ավելի քիչ էներգիա, քանի որ արևի լույսն իրենց ավելի աղոտ է հասնում՝ կուտակված փոշու պատճառով։

Արևային վահանակների լավագույն արտադրողականություն ապահովելու համար համակարգը պետք է տարեկան նվազագույնը երկու անգամ ունենա լվացման հնարավորություն՝ իհարկե կախված թե ինչ պայմաններում է գտնվում։ Ավելի փոշոտ շրջապատում ավելի հաճախ պետք է մաքրվեն արևային պանելները՝ օրինակ փողոցին մոտ տներում, արտադրական տարածքներում և այլն։
Արևային վահանակը պետք է զգա արևի լույս՝ էներգիա արտադրելու համար։ Ինչևէ, եթե արևային կայանը գտնվում է ամպոտ, փոշոտ, ծխոտ տարածքում՝ իր արտադրողականությունը անհամեմատ ավելի քիչ կլինի՝ հետևաբար և մաքրելու անհրաժեշտությունը կլինի ավելի հաճախ։ Դրան հակառակ՝ շատ տեղանքներում  նույնիսկ անձևն է բավարար՝ մաքուր արևային համակարգ ունենալու համար։

Հարցը հետևյալում է՝ ի՞նչ հաճախականությամբ պետք է մաքրվի արևային վահանակը

Շատերը կպնդեն, որ արևային վահանակը, ինքնին, ինքնամաքրվող պրոդուկտ է։ Այն տեղադրվում է թեքությամբ, անձրևներն ու ձյունը մաքրում են փոշին՝ ցած տանելով։ Բայց չէ՞ որ միայն փոշին չէ, որ կարող է խոչընդոտել վահանակի արդյունավետ աշխատանքին։ Պատկերացրե՛ք մեքենայի դիմապակին՝ նույնպես թրծված ապակի, նույնպես թեքությամբ․․․ Սակայն որքան էլ անձրևն ու ձյունը տանեն փոշին՝ չենք պատկերացնի մեքենայի դիմապակին մաքուր վիճակում։

Այնուամենայնիվ՝ արևային համակարգի մաքրման աշխատանքը ոչ այնքան պարզ է, որքան թվում է։ Այն պետք է կատարվի օրվա ոչ շոգ ժամերի ընթացքում, որպեսզի տաքացած ապակին չվնասվի, չճաքի։ Այն պետք է կատարվի հատուկ արևային խոզանակների միջոցով՝ քերծումը բացառելու նպատակով։ Եթե լվացումը կատարվում է տան պայմաններում՝ հաճախորդի կողմից, ապա իդեալական տարբերակը այն ամանի լվացող հեղուկի ու սպունգի միջոցով պետք է արվի՝ ապակուն վնաս չհասցնելու համար։

Ինչևէ, արևային վահանակը պետք է լինի առավելագույն մաքուր՝ առավելագույն արտադրողականություն ապահովելու համար։
Էկո Ստեպ Արմենիան համարվում է արևային վահանակի լվացման մասնագիտացված ընկերություն, որը բացի մաքրման ծառայությունից նաև առաջարկում է մոնիտորինգային, մոնտաժային համակարգի և մետաղաական կոնստրուկցիայի վերահսկման ծառայություններ։

Մենք առաջարկում ենք պատվիրել ինչպես մեկանգամյա լվացում, այնպես էլ ձեռք բերել տարեկան բաժանորդագրություն՝ տարվա մեջ 2-3 անգամ լվացմամբ։ Այն կուղորդվի ամրակների վերահսկմամվ, ամրացմամբ, ինվերտորների վերահսկմամբ և բոլոր աշխատանքներով, որոնք պետք են անխափան գործունեություն ապահովելու համար։

Եվ այսպես։ Էկո Ստեպ Արմենիա ընկերությունը առաջարկում է՝

• Արևային վահանակների մեկանգամյա լվացման ծառայություն
•  Արևային վահանակի լվացման տարեկան բաժանորդագրություն
• Արևային վահանակի մաքրման և մոնիտորինգի, վերահսկման տարեկան բաժանորդագրություն