Էկո Ստեպ ընկերության առաքելությունը մեկն է՝ հասանելի դարձնել այլընտրանքային էներգետիկայի աղբյուրները հասարակության բոլոր շերտերին՝ ընտանիքին, բիզնեսին, և պետությանը։Համագործակցելով ՀՀ առաջատար բանկերի, վարկային կազմակերպությունների հետ՝ Էկո Ստեպը հնարավորություն է տալիս ձեռք բերել էներգախնայող պրոդուկտներ ամենամատչելի և հարմար պայմաններով:

Խնայելով հաճախորդի ժամանակը՝ Էկո Ստեպը առաջարկում է ծառայությունների ամբողջական փաթեթ՝ կատարելով տեխնիկական, բանկային, լիցենզավորման, էներգետիկ ամբողջ ծառայությունները հաճախորդի փոխարեն։ Արդյունքում ունենում ենք բարձր արտադրողականությամբ, որակյալ արևային համակարգեր՝ հաճախորդի կողմից նվազագույն ներգրավվածությամբ և ժամանակի կորստի։

Կարևորելով ոլորտի զարգացումը՝ Էկո Ստեպ ընկերությունը ներգրավված է նաև նոր, արևային մասնագետների ստեղծման գործում։Տալով Պրակտիկ գիտելիքներ՝ ընկերությունը զարգացնում է ոլորտի նոր մասնագետներ՝ բարձր վարձատրվող աշխատանքի հնարավորությամբ, որը թույլ է տալիս որոշ չափով կանխել արտագախթը։